Sual #69

Shirin Haciyev 
Sual: Fotoaparatın rejimlərindən olan Tv (Time Value or Shutter Priority) və Av (Aperture Value or Aperture Priority) rejimlərinin ingiliscə mənalarını başa düşürəm, lakin azərbaycanca konkret ifadə edə bilmirəm. Tv rejimi Pərdə sürəti üstünlüklü rejim, Av rejimi isə diafraqma üstünlüklü rejim sözləri ilə ifadə etsəm düzgün olarmı sizcə?

Cavab: Bir az əvvəl yazdığım kimi terminlərin azərbaycancaya tərcümə olunmasında bir sıra problemlər var.  Buna baxmayaraq, fotoqrafiyaya aid olan terminlərin dilimizə mümkün qədər dəqiq tərcümə olunmasına calışırıq. Kamerada olan çəkiliş rejimlərindən Tv (Time Value or Shutter Priority) azərbaycancaya "Sürgü üstünlüyü", Av (Aperture Value or Aperture Priority) isə "Diafraqma üstünlüyü" kimi tərcümə edilir. 

Sual #50

Elmar Agayev
Sual: Salam. Bir problemlə üzləşirəm hər dəfə. Bilmək istərdim portret çəkdiyim zaman fokus hər dəfə bir gözü bulaniq edir bir gözü aydin. Mən nəcə edə bilərəm hər iki göz fokusda düçsün? Çoxu deyir diafraqmani bağla. Amma görürəm elə diafraqma 1.4 ilə çəkilən şəkillərdə hər iki göz aydın düşür. Hər iki obyektivdə problem yoxdur. Içində toz belə yoxdur. Fotoaparatda elə bir funksiya varmi fokusu dəqiq müəyyən eləsin? Mən canon 5d mark 3, obyektiv isə canon f/1.4 50mm və Tamron 24-70mm f/2.8 işlədirəm. Xahiş edirəm mənə bu haqda kömək edəsiz...

Cavab: Elmar, sizin dediyiniz məsələ bu saytda bir neçə dəfə müzakirə edilib. Bu birbaşa diafraqma (Aperture) və kəskinlik dərinliyi (DOF) ilə əlaədar olan bir məsələdir. Sizə "diafraqmanı bağla" deyənlər düz məsləhət verir. Kəskinlik dərinliyini artırmaq üçün, yəni hər iki gözün kəskin alınması üçün diafraqmanı mütləq bağlamaq lazımdır. Bunun başqa yolu yoxdur. 

Sual #40

Sevil
Sual: Diafraqmanı 16 qoyduqda İSO və shutter-in eyni olması barədə hansısa qaydanın olduğu haqqında oxumuşdum amma dəqiq başa düşməmişdim. Bunu ətraflı izah edə bilərsiniz? 

Cavab: Çox güman ki, sizin dediyiniz "Günəşdə 16" (Sunny 16) qaydasıdır. Fotoqrafiyada bu metod günəşli havada ekspоnometrdən istifadə etmədən vizual olaraq düzgün ekspozisiyanı təyin etmək üçün istfadə olunur. Bu metod əvvəllər, fotoqrafların filmə çəkdikləri vaxt daha çox istifadə olunurdu. İçində elektron eksponometr olan rəqəmsal kameraların daha çox inkişaf edib, yayıldığı bir dövrdə bu metoda o qədər də ehtiyac qalmayıb.

Sual #26

Elmar Hüseynov
Sual: Salam. Sizdən bir şey soruşmaq istəyirəm. Çöldə şəkil çəkmək üçün hansı parametrdən istifadə elemek olar? Yəni sürgü sürəti diafraqma və ISO nə qədər olmalıdır? Standart parametr var tam əla çəkmək üçün? Məsələn çöldə mən diafraqmanı f/2.8, İSO 100, sürgü surəti 1/200 edirəm. 

Cavab: Buna bənzər sualı bir az əvvəl daha bir oxucu vermişdi. Bayır çəkilişlərində ekspozisiyanın hansı parametrlərdə təyin edilməsi barədə standart bir yanaşma yoxdur. İstər qapalı, istərsə də açıq məkanda şəkil çəkərkən bir sıra amili nəzərə almaq vacbdir.

Sual #20

Rüfət
Sual: Salam. Mən 18-105 mm obyektivim ilə çəkdiyim fotoda həm ön, həm də arxa planın tam kəskin olması, yəni həm öndə düran insanın həm də arxadakı binanın fokusda olması üçün nə etməliyəm?

Cavab: Fotonu sualda qeyd etdiyiniz kimi çəkmək üçün əsas diafraqmaya diqqət yetirməlisiniz. Bu növ çəkiliş üçün kəskinlik dərinliyi (DOF) yüksək olmalıdır. Yüksək kəskinlik dərinliyini təmin etmək üçün diafraqmanı mümkün qədər bağlamaq (f/11, f/16, f/22) lazımdır.

Sual #18

Elmar Hüseynov
Sual: Salam. Mən "manual" və "avto fokus" haqqında məlumat almaq istərdim. Tək portret və ya iki nəfər çəkəndə kəskinlik bir gözdə olur, o biri isə bulaniq alınır. Bilmək istəyirəm ki, "manual fokus", yəni fokus nöqtələrini düzgün təyin etmək ücün hansı parametri seçmək olar?

Cavab: Sizin sualınızda təsvir etdiyiniz məsələ kameranın hansı fokus ("manual" və ya "avto") rejimində işləməyindən asılı deyil. Bu fokus nöqtələrinin seçimi və diafraqma ilə əlaqədardır. Növbə ilə hər iki səbəbi araşdıraq. 

Sual #10

Rüfət
Sual: Salam. Mənim Nikon d90 kameram və 18-105 obyektivim var. Yarım boy çəkəndə arxa fon kəskin olur,  tam boy çəkəndə kəskin olmur. Tam boy çəkilən potrtetlərin arxa fonunun da kəskin olması üçün nə etməliyəm?

Cavab: Sual tam ayın olmasa da, belə başa düşdüm ki, söhbət kəskinlik dərinliyindən (DOF) gedir. Kəskinlik dərinliyi ön planla arxa plan arasındakı kəskinliyin fərqidir. Buna həm diafraqma, həm də obyektivin xüsusiyyətləri təsir edir. Genişbucaqlı obyektiflərdə telefoto obyektivlərlə müqayisədə kəskinlik

Sual #7

Emin Məmmədov
Sual: Bayırda şəkil çəkdiyimiz zaman diafraqmanı nə qədər bağlamaq məsləhətdi? Məsələn f/2.8 açsaq o zaman sürgü sürəti neçə olmalıdır? Bir də sürgü sürəti haqqında ətraflı bilmək istəyirəm.

Cavab: Ekspozisiyanın əsas elementləri Diafraqma (Aperture), Sürgü sürəti (Shutter speed) və İSO-dur. Buna çox vaxt ekspozisiya üçlüyü də deyilir. Bu elementlər bir-biri ilə daima əlaqəlidir.  

Sadə bir misalla ekspozisiya üçlüyünü başa salmağa çalışacağam. Bir su kranı təsəvvür edin. Kranın borusundan axan su kameranın sensoruna düşən işıqdır. Kranı açıb-bağlamaqla axan suyun həcminə nəzarət edirik. Bu diafraqmadır. Krandan axan suyu biz nəyə yığmaq istədiyimizdən asılı olaraq kiçik və ya böyük qab seçirik. Bu da İSO-dur. Sürgü sürəti isə həmin qabı doldurmaq üçün sərf olunan vaxtdır. Kiçik qab böyük qaba nisbətən daha sürətlə dolacaq. Deməli sürgü sürəti yüksək olacaq. Əgər böyük qabı doldurmaq istəyiriksə, onda ya müddət çox olmalıdır ya da axan suyun həcmini (sensora düşən işığı) artırmalı, yəni diafraqmanı geniş açmalıyıq.

Sual #1

Nurlan Qasımov

Sual: Diafraqma haqqinda o qədər də məlumatlı deyiləm. Bu haqda məlumat istəyirəm 

Cavab: Diafraqma (Aperture) - obyektivə düşən işığın gücünü/həcmni tənzimləmək üçündür. Diafraqmanın iş funksiyası insan gözünün funksiyası ilə demək olar ki, eynidir. İnsan günəşə baxdıqda gözünün parlaq işıqdan zədələnməməsi üçün onu qıyır və əksinə, qaranlıqda yaxşı görmək üçün gözünü daha geniş açır və beləliklə də düşən işığın həcmini tənzimləyir. Diafraqma da eyni funksiyanı daşıyır.