Saytda Yeniliklər - Youtube Kanalımız

Hörmətli həvəskar və peşəkar fotoqraflar! Çoxlarınızın, xüsusən də yeni başlayan və həvəskar fotoqrafların maraqla izlədiyi "Fotoqrafiyaya aid 1001 sual" saytı yay tətili bitdikdən sonra, sentyabr ayından bəzi xırda yeniliklərlə işinə davam edəcək. Saytı oxucularımız üçün daha maraqlı etmək məqsədilə göndərdiyiniz suallara yazılı cavabla bərabər, həm də video formatda cavab veriləcək.

Sual #85

Togrul
Sual:
Mən sizə street photo barədə sual vermək istəyirəm. Eşitdiyimə görə hər küçədə çəkilən şəkil street photoya aid ola bilməz. Bəs o zaman street photoya hansi tip şəkillər aiddir? Təşəkkür.
Cavab: Küçə fotoqrafiyası, (street photography) - ictimai yerdə - yəni küçədə, parkda, çimərlikdə və s. çəkilən fotoqrafiya janrıdır. Küçə fotoqrafiyası sənədli fotoqrafiyadan yaranmaqla özündə bədiilik elementlərini əks etdirir.

Sual #84

Elshan
Sual: Salam. Photoshopda şəkli emal etdikdən sonra onu hansı ayarlarla və necə saxlamaq (save) lazımdır ki, sayt və ya sosial şəbəkələrdə paylaşdıqda şəkil öz keyfiyyətini, rənglərini itirməsin.
Cavab: Fotoları internetdə dərc etmək üçün adətən bir neçə formatdan, daha dəqiq desək GIF, PNG və JPEG formatlarından istifadə edilir. Bunların arasında fotoqrafiya üçün ən münasibi JPEG formatıdır. Photoshopda şəkillərin internet üçün hazırlanmasının əsas iki yolu var.

Sayta dəstək olmaq istəyənlərin nəzərinə!

Saytımız 1 ildən artıq müddətdir ki, fəaliyyət göstərir. Ümid edirəm ki, bu müddət ərzində saytın fəaliyyəti çoxlarınız üçün faydalı olub. Saytı başlamaqda mənim əsas məqsədim, təmənnasız olaraq Azərbaycan dilində fotoqrafiyaya aid mümkün qədər zəngin bir resurs yaratmaq olub. Layihə tam qüvvəsi ilə davam etməkdədir və yaxın gələcəkdə daha maraqlı və fərqli formatda suallarınızı cavablandırmağa davam edəcəyəm. Lakin, həyatın öz qanunları var və sayt böyüdükcə daha çox vaxt və resurs tələb edir. Saytın sizin dəstəyinizə ehtiyacı var.

Sual #83

Aziz
Sual: Salam. Məndə belə bir problem yaranıb. Fotoları Lightroom-da işlədikdən sonra "Remove Photo" (REMOVE from disc) edib yeni fotolar əlavə edib davam edirəm işimə. Amma sonrada əvvəlki fotolarımı hansıları ki, edit etmişdim, onların originallarını tapa bilmirəm. Problem nədə ola bilər?
Cavab: Lightroomda fotoları emal etdikdən sonra onları silməyinizin səbəbini sözün düzü başa düşmədim. Proqramın əsas xüsusiyyəti və vacib funksiyalarından biri elə çəkdiyiniz fotoların saxlanılması, arxivləşdirilməsi və lazım gəldiyi an asanlıqla tapılması üçün nəzərdə tutulmuş kataloq (Catalogue) bölməsidir.

Sual #82

Ali
Sual: "Full frame" kamerada ümumi "yürüş" nə qədər olur və onun çox olmasının kameraya mənfi təsiri varmı?
Cavab: Bu, saytda ən çox soruşulan suallardan biridir və hər zaman da mən sual verəni Sual #4 oxumağa göndərmək məcburiyyətində qalıram. Şatter (shutter) mexanizmi, kameranın sayğacının ümumi göstəricisi və "yürüşü" həmin mövzuda ətraflı əhatə edilib. 

Sual #81

Ayla
Sual: Salam. Küçə fotoqrafiyasına marağım coxdur. Amma nədənsə küçədə cəkdiyim bütün şəkillər boz rəngdə, eyni tonlu, sanki sönük olur. Şəkillərin canlı olması üçün nələr vacibdir? Məsləhətə ehtiyacım var. Fotoaparat Nikon D5200, obyektiv 18-105.
Cavab: Əgər düz başa düşmüşəmsə, sual şəkillərin məzmunu haqda deyil, məhz rəng çaları barədədir. Əvvəla onu deyim ki, əgər kamerada və obyektivdə heç bir texniki problem yoxdursa, onda bu məsələdə onların rolu o qədər də böyük deyil. 

Sual #80

Emrah
Sual: Salam Aleyküm. Sizə vacib bir sualım var, zəhmət olmasa cavablandırardınız. Canon fotoaparatında "color space" bölməsində sRGB yoxsa Adobe RGB seçilməlidi? Həmçinin, photoshopda RAW da "workflow options" bolməsində də sRGB yoxsa Adobe RGB seçilməlidi? Adobe RGB ilə sRGBnin fərqi nədir?
Cavab: sRGB - HP və Microsoft tərəfindən təklif edilmiş rəng profilidir. sRGB demək olar ki, bütün monitorların qammasına uyğun olduğundan bu profil internetdə çap olunan şəkillər üçün standard bir rəng profili kimi qəbul edilib. 

Sual #79

Zəka
Sual: Mən fotoqraf olmaq istəyirəm. Sadəcə bu işin incəliklərini öyrənə biləcəyim peşəkar fotoqrafa ehtiyacım var. Bu haqda məsləhət verə bilərsiz?
Cavab: Bu sahə üzrə Azərbaycanda təəssüf ki, formal təhsil yoxdur. Fotoqrafiyanı öyrənmək istəyənlər fərdi dərslər/təlimlər, ustad dərsləri, texniki kitablar və internetdə olan video dərslər və məqalələr vasitəsi ilə bilik və bacarıqlarını artıra bilər. 

Sual #78

Elchin Xelilov 
Sual: Adobe Photoshop CS3-də şəkilləri açanda "the document has an embedded color profile that does not match the current RGB working space" xəbərdarlığı çıxır. Bu sorğunu ləğv etmək olarmı?
Cavab: Bu proqramın rəng profilləri (color profile) ilə bağlı olan məsələdir. Problemin mahiyyəti ondan ibarətdir ki, açmaq istədiyiniz şəklin rəng profili proqrmın rəng profili ilə uyğun gəlmir.